صدى الشعب – كتبت رولا حبش
انتشر مؤخراً تصريح مهم من أحد مؤسسي LinkedIn، قال فيه إنّ الشهادات والمؤهلات الأكاديمية مش رح تكون مهمة بالمستقبل مثل قبل، وإنّ العالم رح يعتمد أكثر على المهارات، الكفاءات، والخبرات العملية لتحديد أهلية الشخص لأي وظيفة!
بصراحة؟ خطوة رائعة جداً
لأن الحقيقة إنو مش دايمًا الشهادة معيار للكفاءة.
في ناس معهم أعلى الشهادات، بس ما بيعرفوا يطبقوا ولا معلومة من اللي درسوها!
وفي ناس تانية، يمكن ما دخلوا جامعة، بس عندهم ذكاء، شغف، ومهارات حقيقية بيخلّوهم يبدعوا أكتر من أي حدا تاني.
الشهادة مهمة طبعاً … لكنها مش كفاية
اللي بيفرق اليوم هو: شو بتعرف تعمل؟ كيف بتفكر؟ وقديش عندك استعداد تتعلم وتطور نفسك؟
العالم عم يتغيّر، وسوق العمل الجديد بده ناس مبدعين، مش حافظين… بده ناس بتفهم، مش بس تكرر!
فلو معك شهادة، استخدمها كأداة مش كهوية.
ولو ما معك شهادة، صدّق إنك بتقدر تثبت نفسك بمهاراتك، بإبداعك، وباللي بتقدمه فعليًا للحياة…
