صدى الشعب – كتبت نسرين صخر زريقات
بينما ينشغل العالم في وضع ‘الليبلات’ (الملصقات) على كل شيء.. هذا صح، وهذا خطأ، هذا يشبهنا،وهذاغريب عنا.. ضاع منا شيء بسيط جداً لكنه عميق: الإنسانية الصرفة..
المحبة الحقيقية ما بتطلب هوية، ولا بتسأل عن معتقد، ولا بتنتظر ‘شهادة حسن سير وسلوك’. المحبة هي إنك تمد إيدك لشخص تعبان بس لأنك حسيت بتعبه، مش لأنه ‘بيستاهل’ بمعاييرك الخاصة.
ليش بننسى؟
الأخلاق مش مجرد قوانين بنطبقها عشان نطلع بصورة مثالية، الأخلاق هي “نور” بيطلع منك لما بتشوف وجع غيرك وبتعتبره وجعك
التمييز هو السجن اللي بنحبس فيه قلوبنا؛ لما بنقرر نحب ‘المشابه’ ونكره ‘المختلف’، إحنا فعلياً بنخسر فرصة نكتشف غنى الروح البشرية.
خلينا نرجع للأساس.. نرجع نبتسم بوجه الغريب، نساعد المحتاج بدون ما نسأل ‘مين هو’، ونحب الأرض واللي عليها فقط لأننا شركاء في هاد النفس وهذة الحياة.
